Bu gün 8 noyabr 2024-cü ildə Lənkəran şəhəri Həzi Aslanov adına 3 nömrəli tam orta məktəbin 11 -ci sinif şagirdi Aytac Qurbanova  Lənkəran şəhəri mərkəzi meydanda keçirilən Zəfər Gününə həsr edilən möhtəşəm tədbirdə öz istedadını bir daha nümayiş etdirdi.Aytac 3 nömrəli məktəbdə Şagird Parlamentinin sədridir. 2020-ci ildə məktəb tərəfindən "Vətənpərvər Şagird" Fəxri Fərmanı ilə təltif olunub.Məktəbdə "Vətənpərvərlər Qrupu " yaradaraq öz qiraət , ədəbi-bədii sahədə olan yüksək bacarıqlarını şagirdlərə aşılamışdır.Məktəbimizin tarixində ilk şagirddir ki, xaricdə--- qardaş Türkiyədə Azərbaycanın təbliği ilə bağlı mediada fəaliyyət göstərir.  Aytac Qurbanova qardaş Türkiyədə öz vətənpərvər çıxışları, şeirlərinə görə "Ankaranın səsi"adlanır.

Ümummilli Lider Heydər Əliyevin 101-ci ildönümü münasibətilə Aytacın "Zirvədəki azərbaycanlılar" kitabında yer alan məqaləsinə görə media tərəfindən Aytac Qurbanova "Gənc Heydərçi" media mükafatı ilə təltif olunmuşdur.Qeyd edək ki, http://xn--ictimaifikir-m4g.az/ Xəbər Portalının xüsusi buraxılışı olan "ZİRVƏDƏKİ AZƏRBAYCANLILAR" kitabının Ankara şəhərində keçirilən təqdimatında Portalın Uşaq və Gənclər Birliyinin sədri AYTAC QURBANOVA fəal iştirak etmişdir. O, "ANKARA KALESİ"  də keçirilən təqdimatda bədii-qiraətçi olaraq Azərbaycan-Türkiyə qardaşlığı mövzusunda səsləndirdiyi şeirlərinə və möhtəşəm çıxışlarına görə "Ankara Büyükşehir Belediyesi" tərəfindən mükafata laiq görülmüş, "ANKARA SOSİAL BİLİMLER UNİVERSİTETİ" tərəfindən xüsusi dəvət alaraq, təşəkkürnamə ilə təltif olunmuşdur.Vətənpərvər şagirdimiz

Lənkəran -Astara Regional Təhsil Idarəsinin təşkilatçılığı ilə keçirilən Zəfər Günü tədbirində aparıcılıq etmişdir.

ZƏFƏR GÜNÜNÜZ MÜBARƏK!