SON XƏBƏRLƏR
Əliyeva Xoşbəxt Təyyan qızı
Azərbaycan Dövlət Pedaqoji Universitetinin
baş müəllimi, filologiya üzrə fəlsəfə doktoru
Döyüş başlayan gün Azərbaycanın Ali Baş Komandanı xalqa müraciət edərək dedi ki, mən bütün işğalda olan torpaqlarımızı, yurdlarımızı geri alıb xalqıma qaytaracağam. Çünki Ordusunua, əsgərinə inanırdı. Biz də onun sözünun İMZAsı qədər keçərli olduğuna inandıq!
Bu 66 günün hər dəqiqəsində QALİBİYYƏT yazdıq! Qəhrəmanlıq dastanı adlı 66 səhifəlik bir kitab oxuduq! Hər səhifəsində göz yaşı, sevinc, kədər, ağrı, hayqırtı, bayram...
Türkün qələbə tarixinə yeni SAVAŞ tarixi yazıldı. Bu savaşdan dünya durduqca danışılacaq! Hərb tarixinin Azərbaycanın torpaqlarının düşməndən azad olması SAVAŞI!
Biz tam hürr və ədalətli bir dünya qurmaq üçün savaşdıq! Bizim əsgərlər ən böyük, ən rəşadətli əsgərlərdir. Bizim əsgərlər döyüşə ölmək üçün deyil, öldürmək üçün getdilər! Bizim əsgərlər döyüşdə şücaət göstərdilər! Bizim əsgərlər dünyaya torpaq sevgisinin, Vətən sevgisinin, Bayraq sevgisinin nə olduğunu, necə gözəl bir hiss olduğunu anlata bildilər!
Bir şəhid son anda gözlərini yumanda yanındakı dostuna bilirsiniz nə deyibmiş: "Sən bilməzsən ki, indi mən necə gözəlliklər görürəm!".
Vətən eşqi, Vətən ekstazı budur. Vətən sevgisi, torpaq sevgisi budur. Tanrı içərimizə soxulmaq istəyən şeytanı tez yox etsin, gözlərini bağlasın, başını öz psisliklərinə qatsın. Bu sevinci bizə yaşadan övladlarımız, qardaşlarımız, sizin yeriniz hər birimizin ürəyindədir!
Şəhid anaları, şəhid övladları, bükülməyin, sılzlamayın! Vətən aşiqləri öz eşqləriylə 30 illik arzularımızı, xəyallarımızı çin etdilər. Belə möcüzə ancaq nağıllarda olur. Belə gözəlliyi şairlər sevgililərinə şeir yazanda təzahür edirlər.
Vətən EŞQİMİZİN Göy Tanrıdan buta aldığı gündür! Başınızı dik tutun! Sizin doğmalarınız bizə QƏLƏBƏ şərbəti içiriblər! Bu Vətən üşün ölməyi bacaranlar, bu Vətən üçün döyüşə atılanlar! VƏTƏN bundan sonra da Sizə əmanət olacaq!
Ali Baş Komandanın sözü İMZASI qədər keçərlidir! Az keçməz ki, Xocalıya, Xankəndinə, Xocavəndə bayraq asdığımz günü də bayram edərik! Bizə bayram yaraşır! Bizə qələbə yaraşır!
Bizi arzularımıza çatdıran, Qarabağın qapılarını üzümüzə açan ALİ BAŞ KOMANDAN sən Ordunla, əsgərlərinlə, xalqınla güclüsən! Bütün Qarabağın və 7 rayonun hamsının başı üzərində bayraqlarımız dalğalananda AÇAR da bizdə olacaq!Hər şeydən əvvəl qeyd etmək lazımdır ki, ordumuzun 44 günlük Vətən müharibəsində həyata keçirdiyi əks-hücum əməliyyatları, o cümlədən əldə olunan qələbə qısa vaxtda görülən işlərin nəticəsi deyildi. Azərbaycan son 30 ilə yaxın bir dövrdə hər gün bu qələbənin əldə olunması istiqamətində var gücü ilə çalışırdı. Bu baxımdan ölkəmizin müstəqilliyinin bərpasının ilk illərində ulu öndər Heydər Əliyev tərəfindən dövlətçiliyimizin möhkəmləndirilməsi istiqamətində atılan addımları xüsusilə, iqtisadiyyatımızın yenidən qurulması və ordu quruculuğunun əsas məqsədi gələcəkdə Azərbaycanı bu böyük qələbəyə hazırlamaq idi.
Hər dövlətə ulu öndər Heydər Əliyev və Prezident İlham Əliyev kimi uzaqgörən və müdrik liderlər nəsib olmur. Ulu öndər Heydər Əliyevin ərazi bütövlüyümüzün bərpası uğrunda yürütdüyü müqəddəs missiyanı dəmir yumruqlu müzəffər sərkərdə Prezident İlham Əliyev sona çatdırıb, reallaşdırmışdır. Aparılan uğurlu siyasət nəticəsində Azərbaycan Ordusu dünyanın ən güclü orduları sırasına daxil olub. Ötən dövr ərzində ordumuzun maddi texniki bazası genişləndirilərək, döyüş potensialı gücləndirilmişdir.
Vətən müharibəsində Azərbaycan Ordusu müzəffər Ali Baş Komandan İlham Əliyevin rəhbərliyi altında cəmi 44 gün ərzində 1990-ci illərin əvvəlində Ermənistan tərəfindən işğal edilmiş əraziləri azad etmişdir. Bu şanlı Qələbənin əldə olunmasında 2907 vətən övladı şəhid olmuş, mindən çox əsgərimiz yaralanmış və 7 nəfər itkin düşmüşdür. Prezident İlham Əliyevin 2 dekabr 2020-ci il tarixli Sərəncamına əsasən 27 sentyabr – Vətən müharibəsinin başladığı gün Azərbaycan Respublikasında Anım Günü kimi qeyd olunur.
Vətənin ərazi bütövlüyü uğrunda canını fəda etmiş əsgər və zabitlərimizin şücaəti Azərbaycan xalqı tərəfindən yüksək qiymətləndirilir, onların əziz xatirəsi daim uca tutulur. Bu gün qazilərimiz və şəhid ailələri dövlətin xüsusi diqqəti və qayğısı ilə əhatə olunmuşdur. 10 mindən artıq şəhid ailəsinin mənzillərlə təmin olunması, müharibə əlillərinə 7 mindən artıq avtomobilin verilməsi, qazilərimizin müasir protezlərlə təmin edilməsi bu istiqamətdə görülən işlərin əməli sübutudur.
Müharibədə qazanılan qələbə təkcə döyüş meydanındakı silahların müasirliyi, ordunun yüksək səviyyədə təchizatından asılı deyil. Qələbənin əldə olunması həm də, cəmiyyətdə milli birliyin mövcud olması ilə birbaşa bağlıdır. Vətən müharibəsində xalqımız müasir dövrdə nadir rastlanan ümumxalq əzmkarlığını və iradəsini nümayiş etdirərək düşmənə qarşı bir yumruq kimi birləşdi və sarsıdıcı zərbələr endirdi. Ölkəmizdəki siyasi partiyaların Vətən müharibəsi dövründə bəyanat və müraciətlər imzalayaraq Prezident İlham Əliyevə dəstək ifadə etməsi bu milli birliyinin təzahürüdür.
Prezident İlham Əliyev Vətən müharibəsində misilsiz rəşadət göstərərək Azərbaycanı bütün cəbhələrdə müzəffər sərkərdə kimi müdafiə etdi və tariximizə bu şanlı qələbəni yazdı. Azərbaycan xalqının Prezident İlham Əliyevə etibarı, inamı və dəstəyi sonsuzdur. Bu gün öz təxribatlarından əl çəkməyən Ermənistan çox yaxşı bilir ki, Azərbaycan xalqı və ordusu hər an dəmir yumruğun ətrafında sıx birləşərək dövlətimizə və ərazi bütövlüyümüzə qarşı istənilən təxribatın qarşısını almağa hazırdır.
Vətən müharibəsində qazandığımız qələbə qəlbimizi qürurlandırdığı qədər, itirdiyimiz şəhidlər qəlbimizi sızladır. Onların xatirəsinin əbədiləşdirilməsi, ruhlarının şad edilməsi istiqamətində görülən işlər hər birimiz üçün ən vacib istiqamətdir. Vətən müharibəsində qəhrəmanlıq dastanı yazan şəhidlərimizin hər biri qürur, fəxr mənbəyimizdir. Hər addımımızda onları anacağıq. Allah bütün şəhidlərimizə rəhmət eləsin.
[email protected]
KRİMİNAL
IDMAN