ABŞ prezidenti Donald Trampla Cənubi Koreyanın prezidenti Mun Çje İn arasında telefon danışığı olub.

Bu barədə Ağ Ev rəhbəri "Twitter"də yazıb.

"İndi Cənubi Koreya prezidenti Mun Çje İnlə telefon söhbət bitdi. O, BMT Təhlükəsizlik Şurasının səsverməsiylə Şimali Koreya barəsində sanksiyalardan çox şaddır və təsirlənib", - deyə Tramp yazıb.

Qeyd edək ki, dünən BMT Təhlükəsizlik Şurası KXDR-ə qarşı sanksiyaların sərtləşdirilməsinin - ölkədən ixracının azaldılmasının lehinə yekdilliklə səs verib.