"Daha çox qol vurmağa layiq idik. Qələbədən razıyam, amma hesabdan yox”.

Bunu Avropa Liqasının III təsnifat mərhələsinin ilk oyununda "Qəbələ” üzərində 1:0 hesablı qələbəni şərh edən Yunanıstan təmsilçisi "Panatinaikos”un kapitanı Zeka söyləyib.

29 yaşlı portuqaliyalı yarımmüdafiəçi yaxşı oynadıqlarını, lakin qolların davamını gətirə bilmədiklərini deyib: "Qalib gəlməyimiz sevindiricidir. Yaxşı oynadıq, amma 2 və 3-cü qolları vura bilmədik. Müsbət hal odur ki, qapımızı toxunulmaz saxladıq. Səfərdə də qələbəyə oynayacağıq. Rəqibdən daha yaxşı olduğumuzu göstərdik”.

Qeyd edək ki, bu kollektivlər arasında cavab görüşü avqustun 3-də Bakıdakı "Bakcell Arena"da keçiriləcək.