İraq baş naziri Heydər əl İbadi Mosulda İŞİD terror təşkilatına qarşı həyata keçirilən əməliyyatın qələbə ilə başa çatdığını elan edib.

İctimaifikir.az Sputnik-ə istinadən xəbər verir ki, baş nazir Mosul şəhərinə səfər edərək İraq əsgərlərini İŞİD üzərində qələbə münasibətilə təbrik edib.

Mosul 2014-cü ilin iyununda İŞİD tərəfındən ələ keçirilmişdi. İŞİD lideri əl Bağdadi məhz bu şəhərdə öz xəlifəliyini elan edib. 2016-cı ilin oktyabrından şəhərin İŞİD-dən geri alınması üçün əməliyyatlar həyata keçirilir.