Son dünya çempionu olan Almaniya millisi bununla da Braziliyanı taxtdan salıb. Apreldə zirvəni ələ keçirən pentakampeonlar cəmi üç ay liderlik edə bilib.
 
Bundestim isə son 2 ildə ilk dəfə 1-ci pilləyə qalxıb. Almaniyalılar sonuncu dəfə 2015-ci ilin iyununda zirvədə yer almışdı. 25 aydan sonra liderə çevrilən komandanın aşağı pillələrdə qərarlaşdığı vaxtda Argentina, Belçika və Braziliya liderlik edib. 3-cü pillədən zirvəyə sıçrayan Bundestim hər iki Cənubi Amerika təmsilçisini arxada qoyub. Maraqlıdı ki, onlar finalda həmin qitənin daha bir komandası Çilini 1:0 hesabı ilə yenməklə kuboka yiyələnib.
 
Digər mükafatçıların da irəliləyəcəyi bəllidi. Portuqaliya 4 pilləlik sıçrayışla 4-ü, Çili isə 3 addımla 7-ci sıraya qalxıb.