Türkiyənin Hərbi Hava Qüvvələri PKK terrorçularının İraqdakı mövqelərinə zərbələr endirib.

Bu barədə "Anadolu" agentliyi xəbər verib.

Xəbərdə bildirilir ki, terrorçuların İraqın şimalındakı Avaşin-Basyan rayonundakı mövqelərinə endirilmiş hava zərbələri nəticəsində PKK-nın 7 silahlısı zərərsizləşdirilib. Onlar Türkiyənin İraqla sərhəddə yerləşən bazasına hücum etməyi planlaşdırımış.

Qeyd edək ki, ABŞ və Avropa İttifaqı PPK-ı terrorçu təşkilatlar siyahısına salıb. Onun üzvləri Türkiyənin dövlət orqanlarına və vətəndaşlarına silahlı hücumlar təşkil edirlər.