Meksika prezidenti Enrike Penya Nyeto ötən gün Mexikodakı iqamətgahında ABŞ dövlət katibi Reks Tillersonu və milli təhlükəsizlik naziri Con Kellini qəbul edib.

 APA-nın "RİA Novosti”yə istinadən verdiyi xəbərə görə, görüşdən əvvəl Tillerson və Kelli Meksika XİN rəhbəri Luis Videqarayla bir neçə saatlıq danışıqlar aparıblar. Meksika prezidenti ABŞ-ın yüksək vəzifəli məmurları ilə görüşdə miqrasiya və təhlükəsizlik məsələlərini müzakirə edib.     

 Bundan əvvəl Meksika XİN rəhbəri Luis Videqaray Meksika və ABŞ-ın yaxın aylarda Mərkəzi Amerika ölkələrinin iştirakı ilə miqrasiya problemlərinə dair görüş keçirəcəyini bildirib.

 Kelli, öz növbəsində, deportasiyaların kütləvi xarakter daşımayacağını və bu prosesə ordunun cəlb edilməyəcəyini vəd edib.