SON XƏBƏRLƏR
QƏLBLƏRDƏ DAİM YAŞAYACAQ HƏKİM SEVİL ƏHƏDOVA
Həkim peşəsi çox nəcib və məsuliyyətli bir işdir,çünki insanların sağlamlığı, hətta bəzən həyatları həkimlərdən asılı olur.Həkim öz davranışı,şəxsiyyəti təfəkkürü ilə başqalarından fərqlənməlidir. Bütün bunlar həkimlik etikasının əsasını təşkil edir. Dünyada minlərcə peşə və sənət mövcuddur. Bu müxtəliflikdə nəçi olmaq böyük bir sınaq və imtahandır. Hansını seçməli? Nəçi olmalı? Həqiqətən çox məsuliyyətli bir məsələdir. Bu məsələni, özüm üçün və hələ uşaqlıq illərindən seçmişəm. Mən həkim olmaq istəyirəm.
Qədim və humanist peşə olan həkimlik insanların səhhətinin qorunmasına, xəstəliklərin qarşısının alınmasına yönəlib. İnsanların ayrılmaz dostu olan bu peşə sahibləri daim bəşərin keşiyində dayanmışlar. Əməlləri ilə yanaşı, peşəkar sənəti ilə daim insanlara xidmət edən, onların sağlamlığının keşiyində duran həkimlərimizdən olub Sevil xanım.
***
Əhədova Sevil Heydər qızı 26 iyul 1947-ci ildə Lənkəran şəhərində dünyaya göz açıb. 1965-ci ildə Lənkəran şəhət 1 nömrəli orta məktəbini qızıl medalla bitirərək elə həmin il N.Nərimanov Adına Azərbaycan Tibb İnstitutuna daxil olub.1971-ci ildə ali tibb təhsilinin fərqlənmə diplomu ilə başa vuraraq Lənkər
an səhiyyəsinə təyinat alıb və rayon Mərkəzi Xəstəxanasındakı doğum şöbəsində mama-ginekoloq kimi fəaliyyətə başlayıb.15 il mama-ginekoloq şöbəsində fasiləsiz rəhbərlik edib.İşlədiyi müddətdə “səhiyyə əlaçısı” medalına və müxtəlif fəxri fərmanlara layiq görülüb. Ailədə 8 uşaq - 4 bacı, 4 qardaş olublar. Onların hamısı fəal həyat mövqeyi qazanıb. Aralarında rəhmətə gedənlər də var, yaşayanlar da. Müxtəlif peşə sahibləri kimi təkcə özlərini deyil, el-obanı düşünüblər, bacardıqları qədər cəmiyyətə fayda veriblər. Əslində Sevil xanımın ürəyində həkimlik peşəsinə hədsiz sevgi olsa da atası onu təhsilini davam etdirməyə razılıq vermirdi.Lakin, bu işdə Ulu öndər Heydər Əliyevin bacısı Lənkəran şəhər 1 nömrəli orta məktəbində işləyən Şəfiqə xanım Əli-yevə sevimli şagirdinə yardımçı olub. Şəfiqə müəllimə şagirdinin təhsilini davam etdirməsi üçün atasını da razı sala bilmişdi.Təsadüfi deyil ki, Sevil xanım həyatda qazandığı uğurlara görə sevimli müəllimi Şəfiqə xanıma həmişə minnətdar, borclu olduğunu dönə-dönə bildirərdi.İndi onların ikisi də həyatda yoxdur, lakin xatirələr yaşayır.
Sevil xanım isə həkimlik peşəsini seçdi. N.Nərimanov adına Azərbaycan Dövlət Tibb İnstitutunu (indiki Tibb Universitetini) bitirdikdən sonra Lənkərana təyinat aldı. Mərkəzi Rayon Xəstəxanasında, Şürük kənd xəstəxanasında və bir çox başqa tibbi müəssisələrdə ixtisası üzrə işlədi. Öz səmərəli tibbi fəaliyyəti ilə qısa müddətdə nəinki Lənkəranda, 
an səhiyyəsinə təyinat alıb və rayon Mərkəzi Xəstəxanasındakı doğum şöbəsində mama-ginekoloq kimi fəaliyyətə başlayıb.15 il mama-ginekoloq şöbəsində fasiləsiz rəhbərlik edib.İşlədiyi müddətdə “səhiyyə əlaçısı” medalına və müxtəlif fəxri fərmanlara layiq görülüb. Ailədə 8 uşaq - 4 bacı, 4 qardaş olublar. Onların hamısı fəal həyat mövqeyi qazanıb. Aralarında rəhmətə gedənlər də var, yaşayanlar da. Müxtəlif peşə sahibləri kimi təkcə özlərini deyil, el-obanı düşünüblər, bacardıqları qədər cəmiyyətə fayda veriblər. Əslində Sevil xanımın ürəyində həkimlik peşəsinə hədsiz sevgi olsa da atası onu təhsilini davam etdirməyə razılıq vermirdi.Lakin, bu işdə Ulu öndər Heydər Əliyevin bacısı Lənkəran şəhər 1 nömrəli orta məktəbində işləyən Şəfiqə xanım Əli-yevə sevimli şagirdinə yardımçı olub. Şəfiqə müəllimə şagirdinin təhsilini davam etdirməsi üçün atasını da razı sala bilmişdi.Təsadüfi deyil ki, Sevil xanım həyatda qazandığı uğurlara görə sevimli müəllimi Şəfiqə xanıma həmişə minnətdar, borclu olduğunu dönə-dönə bildirərdi.İndi onların ikisi də həyatda yoxdur, lakin xatirələr yaşayır.
qonşu rayonlarda da tanındı. Bəli, bu gün Sevil həkim hər zaman qəlblərdədir. Çünki, o təkcə həkim yox xəstələrinə güənc yeri, ümid çırağı idi. Analar,bacılar Sevil həkimin tövsiyələrini dinləyərək həyata ümidlə baxırdılar. Ana olmaq arzusunda olan xanımlarımız bu tövsiyələri dinləyərək ümidlərini üzmürdülər. Sevil xanım layiqli həkim oldu, sevildi, hörmət qazandı, qəlblərdə böyük iz buraxdı. Bununla yanaşı onun izi ilə gedən, nəsilin davamçısı, gözəl həkim, vətəninə layiqincə xidmət edən, vətən övladlarının sağlamlığı uğrunda əzmlə çalışan,övladı Nüranə həkimi cəmiyyətimizə bəxş etdi. Məhşur rus yazıçısı, həkim A.P.Çexov həkimlik sənəti haqqında demişdir: "Həkimlik sənəti qəhrəmanlıqdır,hünər deməkdir. Bu peşə adamdan fədakarlıq,pak niyyət tələb edir. Hər kəs buna qadir ola bilməz. Bunun üçün həkimin fikri aydın,qəlbi təmiz olmalıdır". Həqiqətən də, belədir. Bəli, Nüranə həkim kimi! Fikri aydın,qəlbi təmiz,işinin peşəkarı, nəslin laiqli davamçısı Nüranə həkimi sizə təqdim edirik:Nuranə həkimin babası - Əməkdar həkim Əhədov Cəbrayıl Lənkəranda Sovet Səhiyyəsinin ilk təşkilatçılarından biri olmuşdur
NURANƏ AXUNDOVA“Medlandiya” klinikasının baş həkimi,
"Qalib Lider"media mükafatı laureatı
Nüranə Axundova 1972-ci ildə Lənkəran şəhərində anadan olmuşdur. 1979-cu ildə Lənkəran şəhər 1 nömrəli tam orta məktəbin 1-ci sinfinə getmiş,1989-cu ildə həmin məktəbi gümüş medalla bitirmişdir. Elə həmin ildə ATU-nun Müalicə Profilaktika fakültəsinə daxil olmuşdur. Universiteti bitirdikdən sonra Avrora kənd xəstəxanasında iş fəaliyyətinə başlamışdır. 1999-cu ildə LMRX-da həkim-radioloq vəzifəsində çalışmışdır. 2022-ci ildən isə "Medlandiya" klinikasının baş həkimidir.
Nüranə həkimin qızı Axundzadə Türkan Kənan qızı 1999-cu ildə Lənkəran şəhərində anadan olmuşdur. 2004-cü ildə Lənkəran şəhər 1 nömrəli tam orta məktəbin 1-ci sinfinə getmiş, 2015-ci ildə əla qiymətlərlə bitirmişdir.Elə həmin ildə ATU-nun müalicə-profilaktika fakültəsinə daxil olmuş, 2021-ci ildə əla universiteti qiymətlərlə bitirmişdir. Hal-hazırda Bakı şəhərində yerləşən 5 nömrəli Şəhər Klinik Xəstəxanasında çalışır.
Nuranə həkimin oğlu, nəslin layiqli davamçısı, "Medlandiya" klinikasınının direktoru Axundov Namik Kənan oğlu
"Medlandiya"klinikasının baş həkimi Nuranə Axundava ictimaifikir.az xəbər portalının redaktoru Mahilə Qurbanova ilə
Nuranə həkimin nəvəsi Xəlilzadə Məryəm Mikayıl qızı nəslin həkim arzusunda olan da avamçısıdır
BİR HƏKİM ÖMRÜ...
(Sevil həkimin timsalında bütün həkimlərə ərmağan edirəm!)
Çağlayan dənizdir dalğası həyat,
Ümüddür,pənahdır bir həkim ömrü.
Tanrının lütfüdür ,yer üzündəki
Qanadlı mələkdir bir həkim ömrü.
O gözlər güldürər öz gülüşüylə,
Su səpər qəlblərə bircə sözüylə.
Fərqinə varmadan elə özüylə
Həyat sevgisidir bir həkim ömrü...
Ağ xalatındadır bəlkə sehri,
Hipokrat andından döməyib geri!
Qəlblərdə büst qurub adının yeri
Qəhrəman ömrüdür bir həkim ömrü!
Onun ürəyinin şəfqəti bitməz,
Məğrurdur, vüqarı heç vaxt əyilməz!
Amalı həyatdır gücü tükənməz,
Həyatın özüdür bir həkim ömrü!..
Şeirin müəllifi və məqaləni hazırladı:
Mahilə Qurbanova
“ictimaifikir.az” xəbər portalının redaktoru
26 avqust 2024- cü il
[email protected]
MÜSAHİBƏ
KRİMİNAL
