SON XƏBƏRLƏR
Səmədova Könül İbrahim qızıADPU-nun Filologiya fakültəsinin "Müasir Azərbaycan
dili" kafedrasının müdiri, filologiya elmləri doktoru,
dosent, "Qabaqcıl təhsil işçisi" döş nişanı,
"Azərbaycan Qadını” media medalı mükafatları laureatı
Bugünkü anım günü əvvəlkilərdən fərqlənir, bu gün Azərbaycanın bütün ərazisi kimi Xocalı da işğalçılardan tam azad edilmişdir.
Xocalı Azərbaycan xalqının sağalmayan yarasıdır. Bu, Ermənistanın çoxillik təcavüzü zamanı dinc Azərbaycanlı əhaliyə qarşı törədilmiş ən ağır cinayətlərdən biridir və ölkəmizin tarixində ən faciəli səhifələrindəndir.
2024-cü ildə Azərbaycan Respublikasının Prezidenti İlham Əliyevin Xocalıya səfər etməsinin, Xocalı soyqırımı Memorialının təməlinin qoymasının və ictimaiyyət nümayəndələri ilə görüşməsinin xüsusi əhəmiyyəti var.
Uzun illər bundan əvvəl "Xocalı soyqırımını törədənlər gec-tez ədalət qarşısında cavab verəcək və layiqli cəza alacaqlar, şəhidlərimizin qanı yerdə qalmayacaq" deyən Azərbaycan Prezidenti İlham Əliyevin böyük siyasəti və Azərbaycan oğullarının igidliyi sayəsində artıq bütün ölkəmiz, xüsusən də işğaldan azad edilmiş Xocalı şəhəri 26 fevral hadisələrini tamamilə fərqli, xüsusi hisslərlə, başını uca tutaraq qeyd edir - ona görə ki, şəhərin üstündə ölkəmizin Dövlət bayrağı dalğalanır.
Vaxtilə belə qanlı cinayətə yalnız Ümummilli Lider Heydər Əliyevin ölkə rəhbərliyinə qayıdışından sonra siyasi-hüquqi qiymət verilmişdir. Heydər Əliyev Fondunun Vitse-prezidenti Leyla xanım Əliyevanın təşəbbüsü ilə başlanan "Xocalıya ədalət" beynəlxalq informasiya kampaniyasının da böyük rolu olmuş və bu kampaniya çərçivəsində həm Azərbaycanda, həm də onun hüdudlarından kənarda gənclərin faciə qurbanlarının xatirəsinin qorunub saxlanmasında fəal iştirak etmişlər.
Ötən il Xocalıda faciə qurbanlarının xatirəsinin əbədiləşdirilməsini nəzərdə tutan memorial kompleksin təməlqoyma mərasiminə qatılan İlham Əliyev deyib ki, onun tərəddüdləri olub:
“Memorial kompleksin tikintisi ilə bağlı hər il mən müəyyən tərəddüdlər keçirərək o hadisəni, o layihəni təxirə salırdım. Ona görə ki, sizin kimi, mən də inanırdım və bilirdim, biz buraya qayıdacağıq, Xocalıya qayıdacağıq və günahsız qurbanların xatirəsini əbədiləşdirmək üçün burada Memorial Kompleks yaradılacaq”. "Xocalının Azərbaycan xalqının tarixində və şüurunda o qədər böyük yeri var, bu faciə qəlbimizdə o qədər böyük yaralar salıb ki, Xocalı azad olunmadan biz sakitləşə bilməzdik”.
25.02.2025
[email protected]
KRİMİNAL
