SON XƏBƏRLƏR
Məmmədova Günəş Hümmət qızı"Diamed" klinikasının həkim-pediatrı
8 noyabr Azərbaycan xalqı üçün təkcə Zəfər Günü deyil, həm də Şuşa şəhərinin azad olunduğu tarixi gündür. 2020-ci ilin 8 noyabrında Müzəffər Ali Baş Komandan İlham Əliyevin rəhbərliyi altında Azərbaycan Ordusu Qarabağın tacı olan Şuşanı işğaldan azad etməklə Vətən müharibəsində həlledici zəfəri qazandı. Bu tarixi hadisə Azərbaycan xalqının qəhrəmanlıq salnaməsində qızıl hərflərlə yazıldı və əbədi yaddaşlara həkk olundu.
Şuşa XVIII əsrdə Qarabağ xanı Pənahəli xan tərəfindən salınmış və qısa zamanda Azərbaycanın ən mühüm siyasi, iqtisadi və mədəni mərkəzlərindən birinə çevrilmişdir. “Qafqazın mirvarisi” adlandırılan bu şəhər təkcə gözəlliyi ilə deyil, həm də zəngin mədəni irsi ilə tanınır. Burada Azərbaycan musiqisinin, poeziyasının və memarlığının parlaq nümunələri formalaşmış, dahi sənətkarlar – Xurşidbanu Natəvan, Üzeyir Hacıbəyli, Bülbül, Seyid Şuşinski kimi dahilər yetişmişdir.Şuşa eyni zamanda Azərbaycan xalqının milli kimliyinin və mənəvi birliyinin təcəssümüdür. İşğal illərində bu şəhər azadlıq arzularımızın, müqavimət ruhumuzun rəmzinə çevrilmişdi. Hər bir azərbaycanlının qəlbində Şuşaya qayıdış ümidi daim yaşayıb və bu ümid 2020-ci ilin noyabrında reallığa çevrildi.
44 günlük Vətən müharibəsi dövründə Azərbaycan Ordusu peşəkarlığı, əzmi və Vətən sevgisi ilə dünya hərb tarixində unikal bir əməliyyata imza atdı. Şuşa döyüşləri isə bu müharibənin zirvəsi oldu. Sıldırım qayalarla əhatə olunan şəhərin azad olunması, hərbi texnika olmadan piyada döyüşçülərimizin irəliləməsi xalqımızın rəşadətini və sarsılmaz ruhunu nümayiş etdirdi. Məhz buna görə də 8 noyabr təkcə bir qələbə tarixi deyil, həm də milli qürur və birliyin simvoluna çevrildi.
Prezident İlham Əliyevin həmin gün söylədiyi “Şuşa azaddır! Qarabağ Azərbaycandır!” sözləri bütün xalqın qəlbində əbədi səslənən zəfər nidasına çevrildi.
Şuşanın azad olunmasından sonra burada geniş bərpa və quruculuq işləri aparılır. Qısa müddətdə şəhərin siması yenidən dirçəlmiş, tarixi abidələr bərpa olunmuş, yeni sosial infrastruktur yaradılmışdır. Prezident İlham Əliyev tərəfindən Şuşanın “Azərbaycanın mədəniyyət paytaxtı” elan olunması bu qədim şəhərin tarixdəki mövqeyini daha da möhkəmləndirdi.
Hazırda Şuşada “Xarıbülbül” Musiqi Festivalı, “Vaqif Poeziya Günləri” kimi ənənəvi mədəni tədbirlər bərpa olunub. Bu tədbirlər təkcə mədəniyyətin inkişafına deyil, həm də milli yaddaşın qorunmasına xidmət edir. Şuşa yenidən Azərbaycan incəsənətinin beşiyinə çevrilir.
Bu gün Şuşa şəhəri yalnız keçmişin simvolu deyil, həm də gələcəyə inamın, dirçəlişin və milli həmrəyliyin mərkəzidir. Burada görülən hər bir iş Azərbaycan dövlətinin gücünü, xalqın öz torpaqlarına sarsılmaz bağlılığını nümayiş etdirir.
Şuşa azad olunmaqla Azərbaycan xalqının qüruru bərpa olundu, ədalət yerini tapdı. Bu gün hər bir azərbaycanlı Şuşaya baxanda təkcə qədim bir şəhəri deyil, azad və qalib Azərbaycanın rəmzini görür.
8 noyabr – Şuşa Şəhəri Günü xalqımızın milli yaddaşında əbədi qalacaq bir tarixdir. Bu gün həm qəhrəman şəhidlərimizin xatirəsinə ehtiram, həm də dövlətimizin qüdrətinə və xalqımızın birliyinə olan inamın təntənəsidir. Şuşa azaddır, Şuşa yaşayır, Şuşa dirçəlir – deməli, Azərbaycan da əbədi yaşayacaq!
Azərbaycan xalqının tarixinə qızıl hərflərlə yazılmış ən şanlı günlərdən biri – 8 Noyabr – Zəfər Günü bu gün böyük fəxarət və qürur hissi ilə qeyd olunur. Bu tarix, Azərbaycanın ərazi bütövlüyünün bərpası, 30 ilə yaxın davam edən işğalın sona çatması və xalqımızın milli iradəsinin, birliyinin, döyüş ruhunun təntənəsi kimi əbədiləşib.
44 günlük Vətən müharibəsi nəticəsində Azərbaycan Ordusu, Müzəffər Ali Baş Komandan İlham Əliyevin rəhbərliyi ilə torpaqlarımızı azad edib, xalqımıza qələbə sevinci bəxş edib. 2020-ci il noyabrın 8-də Şuşa şəhərinin azad olunması Zəfərimizin rəmzinə çevrilib və məhz bu səbəbdən həmin tarix ölkə başçısının Sərəncamı ilə Zəfər Günü kimi qeyd olunur.
Şuşanın azad edilməsi təkcə hərbi uğur deyildi – bu, milli kimliyimizin, mənəvi dəyərlərimizin və dövlətimizin qüdrətinin təntənəsi idi. Azərbaycanın hər bir vətəndaşı bu zəfərdə öz payını hiss edir: ön cəbhədə döyüşən əsgərdən tutmuş arxa cəbhədə çalışan müəllimə, həkimə, könüllüyə qədər hər kəs bu tarixi qələbəyə öz töhfəsini verib.
Zəfər Günü həm də şəhidlərimizin əziz xatirəsini anmaq, onların müqəddəs ruhu qarşısında baş əymək günüdür. Bu gün biz xalq olaraq bir daha sübut etdik ki, azadlıq və ədalət uğrunda mübarizə ruhu Azərbaycan xalqının qanında, yaddaşında və iradəsində yaşayır.
Bu möhtəşəm qələbə Azərbaycanın regionda və dünyada nüfuzunu daha da artırdı. İşğaldan azad olunmuş ərazilərdə bərpa və yenidənqurma işləri geniş vüsət aldı, Böyük Qayıdış proqramı reallaşmağa başladı. Bu, həm iqtisadi, həm də mənəvi baxımdan yeni bir mərhələnin başlanğıcıdır.
Zəfər Günü hər il xalqımızın milli birliyinin, dövlətimizin qüdrətinin və şəhidlərimizə sədaqətin simvolu kimi qeyd olunur. Bu gün – Azərbaycanın Zəfər salnaməsinin ən parlaq səhifəsidir.
07.11.2025
[email protected]
KRİMİNAL
