Ana keçmiş model qızını çılpaq halda çemodana qoyaraq dənizə atıb.

İctimaifikir.az "Mirror"a istinadla bildirir ki, Anoreksi xəstəliyinə görə çəkisi 35 kiloqrama düşən 27 yaşlı rus model Katerina Laktionovanın cəsədi çemodanın içərisində İtaliyada, Rimini dənizində balıqçılar tərəfindən tapılıb.

Onun 48 yaşlı, adı açıqlanmayan anası İtaliyada tibb bacısı işləyib. Qızının cəsədi tapıldıqdan sonra qadın Rusiyaya uçub.

Qadın iddia edir ki, o, qızının ölümündən sonra psixoloji travma alıb. O, rəfiqələrinə deyib ki, qızımın cəsədini 1 həftə evdə saxlayıb başında ağladım. Sonra dözə bilmədim və çemodana qoyaraq suya atdım.

Hadisə ilə bağlı cinayət işi açılıb, araşdırma aparılır.