Tovuz rayonunda keçmiş polis əməkdaşının idarə etdiyi minik avtomobili avtobusla toqquşub.

 Hadisə gecə saatlarında rayonun maşın bazarının yaxınlığında baş verib.

İlkin məlumatla görə, Tovuz rayon sakini, 1959-cu il təvəllüdlü Museyibov Elman Müsəllim oğlu şəxsi "Jeep" avtomobili ilə hərəkətdə olarkən Bakı istiqamətində hərəkət edən, Bəkirov Məhəmməd Dursun oğlunun idarə etdiyi sərnişin avtobusu ilə toqquşub. Nəricədə E.Museyibov ağır xəsarət alıb. 

O, Tovuz Rayon Mərkəzi Xəstəxanasına yerləşdirilib və əməliyyat edilib. Həkimlər onun vəziyyətini ağır qiymətləndirir.

Tovuz Rayon Polis Şöbəsindən bildirilib ki, qəzada ağır yaralanan E. Museyibov keçmiş polis əməkdaşı olub. 

Faktla bağlı Tovuz rayon Polis Şöbəsi tərəfindən araşdırma aparılır.