Noyabrın 10-u  ölkəmiz üçün tarixi bir gündür.

Bu siyasi qələbənin qazanılmasında hərbi qələbəmiz müstəsna rol oynayır. Bəyanatın imzalanmasının səbəblərindən biri  Şuşanın, daha sonra bayraq günü 72 yaşayış məntəqəsinin, ümumilikdə 300-dən çox yaşayış məntəqəsini işğaldan azad edilməsidir.

Bu qələbələr düşməni məcbur etdi ki, Ağdam, Laçın, Kəlbəcər rayonlarını siyasi yolla qaytarsın.

Son illər ərzində ölkəmizdə aparılan işlər, mövcud olan gözəl ab-hava, xalq-iqtidar birliyi, siyasi münasibətlərin müsbət səviyyəyə qalxması, beynəlxalq nüfuzumuz, beynəlxalq arenadakı fəaliyyətimiz, ordu quruculuğu təbii ki, bu qələbəmizi şərtləndirdi.

İqtisadi gücümüz qələbəni əldə etmək potensialımızı təmin etdi.  Azərbaycan iqtisadi cəhətdən heç bir ölkədən asılı deyil, heç bir beynəlxalq maliyyə qurumundan asılı deyil. İqtisadi müstəqilik ordumuzu gücləndirmək üçün imkan yaradıb. Ordu üçün lazım olan bütün hərbi texnikanı, silahları alırıq.Azərbaycanda müdafiə sənayesi yaradıldı. Ordumuzun tələbatı böyük dərəcədə daxili istehsal hesabına təmin edilir.

Bütün regional layihələrdən təcrid olunmuş Ermənistandan fərqli olaraq Azərbaycan transmilli layihələr ilə regionda tamamilə yeni mənzərə yaratdı. Azərbaycan regionun enerji xəritəsini, nəqliyyat xəritəsini yenidən tərtib etdi. Azərbaycanın təşəbbüsləri təkcə xalqımızın maraqlarını təmin etmir, bir çox ölkələrin maraqlarını təmin edir, o cümlədən region ölkələrinin. Bunlarla da Azərbaycanın beynəlxalq nüfuzu gücləndi.

Bu gün Azərbaycanın qüdrətli ordusu Şuşa şəhərini erməni işğalçılarından azad edib. Adama yuxu kimi gəlir. Ancaq bu bir reallıqdır. Bu hissləri sözlə ifadə etmək çox çətindir. Bu günləri düz 28 il gözlədik.Əziz Şuşa! Qarabağın döyünən ürəyi.Bəli biz qalib xalqın nümayəndəsiyik. Bu gün milyonlarla azərbaycanlının sevincli günüdür. Bu gün xalqımızın yaddaşında əbədi həkk olunacaq. Şuşa Qarabağımızın mədəniyyət beşiyidir. Qarabağ xanlığının paytaxtı olub. Şuşa, Xan Şuşinski, Üzeyir Hacıbəyli, Xurşidbanu Natavan kimi dahilərin yurdudur. Bu gün onların ruhu şaddır həmçinin Şuşa uğrunda şəhid olanların ruhu da şaddır. Şuşa qalası artıq öz doğma nəfəsiylə isinir. Özümü çox şanslı sayıram ki, bu günlərin canlı şahidiyəm. Bu gün bütün ölkə Şuşanın işğaldan azad edilməsini bayram edir. Xalqımız bu gün çox xoşbəxtdir. Torpaqlarımız azad olduqca qəddimiz düzəlir, xəcalət yükündən azad oluruq. Şuşanın və bütövlükdə Qarabağın alınmasıyla itmiş səsismiz, itmiş zənguləmiz yenidən pərvazlanacaq.

Zəfər sənindir Azərbaycan əsgəri! Şuşa bizimdir, Qarabağ bizimdir, Qarabağ Azərbaycandır!