Türkiyənin müxalif CHP partiyasının lideri Kamal Kılıçdaroğlu 26 gün əvvəl start verdiyi yürüşü sonlandırıb.

İctimaifikir.az "Qafqazinfo”ya istinadən xəbər verir ki, paytaxt Ankarada başlayan yürüş İstanbulda yekunlaşıb. Rəsmi rəqəmlərə görə, "Ədalət yürüşü”nə 1,6 milyon insan qoşulub. Aksiyanı Maltəpədə başa vuran Kamal Kılıçdaroğlu milyonlarla insanın qoşulduğu mitinqdə çıxış edib. O, "Kimsə bu yürüşün son olduğunu düşünməsin. Qorxu divarlarını aşacağıq. Bu yürüş bizim ilk addımımızdır”,-deyib.

Xatırladaq ki, yürüş iyunun 14-də CHP millət vəkili Enis Bərbəroğlunun 25 il müddətinə azadlıqdan məhrum edilməsindən sonra başlayıb.