Avstraliya ilk dəfə hərbi kiber diviziyasını yaradıb. Birliyin yaradılmasında məqsəd İŞİD da daxil olmaqla, xarici düşmənlərə qarşı kiber hücumlarını genişləndirməkdir.

Kiber təhlükəsizliyi üzrə baş nazirin müavini Den Tehan bu barədə jurnalistləri məlumatlandırıb. "Bu, müasir konfliktin dəyişən xarakterinin nəticəsidir”? – o deyib.

Hərbi diviziya hesab edilən yeni birlik İŞİD-ə qarşı kiber hücumlarını artıracaq. Avstraliya müdafiə naziri qeyd edib ki, bu, İŞİD-ə qarşı hava hücumları və digər hərbi əməliyyatların əlavə bir hissəsini təşkil edir. Avstraliya ABŞ-ın rəhbərliyi İŞİD-ə qarşı vuruşan koalisiya dövlətlərindən biridir.

Bundan əlavə, Tehan bildirib ki, yeni birlik eyni zamanda Avstraliya silahlı qüvvələrini kiber hücumlarından qoruyacaq. Başqa bir hökumət agentliyi də "offshore” cinayətkarlarına kiber hücumlarını yerinə yetirəcək.

Avstraliyanın belə bir addım atmasına səbəb bu həftə Ukraynadan yayılan "WannaCry” virusuna görə təxminən 100 ölkədə dünya biznesini iflic edən və 8 milyard dollarlıq ziyana səbəb olan kiber hücumları olub.

Avstraliya qeyd edilən hücumlardan digər ölkələrə nisbətdə az zərər görüb. Buna baxmayaraq, baş nazirin müavini Tehan vurğulayıb ki, kiber hücumlarının vurduğu zərər xarici kiber hücumlarına qarşı sistemli şəkildə mübarizə aparmağı şərtləndirir.