Ölkə - ictimaifikir.az ANALİTİK İNFORMASİYA AGENTLİYİ http://ictimaifikir.az/ ru Ölkə - ictimaifikir.az ANALİTİK İNFORMASİYA AGENTLİYİ DataLife Engine Tolik və Elgizlə bağlı Audiovizual Şuranın AÇIQLAMASI http://ictimaifikir.az/index.php?newsid=26237 http://ictimaifikir.az/index.php?newsid=26237 Ölkə.az xəbər verir ki, Şuranın məlumatına görə, son günlər rəsmi veb-saytı, elektron poçtu və digər əlaqə vasitələri ilə vətəndaşlardan, eyni zamanda media nümayəndələrindən şikayət və sorğular daxil olur.
Həmin müraciətlərin mövzusu bir sıra televiziya proqramları ("Tarixin bir günü", "Elgizlə izlə" və sairə), onların aparıcıları və ora dəvət olunan qonaqların tənqid olunması ilə bağlıdır. Bəzi müraciətlərdə həmin televiziya proqramlarının və ya ümumən kanalların bağlanması tələb olunur.
Qeyd edilib ki, Audiovizual Şura audiovizual media sahəsində tənzimləməni həyata keçirən dövlət orqanıdır. Audiovizual Şuranın fəaliyyəti və ümumiyyətlə, audiovizual media sahəsinin tənzimlənməsi "Media haqqında" Qanunla və digər müvafiq qanunlar əsasında aparılır. "Media haqqında" Qanunun 5.4-cü maddəsində təsbit olunub ki, media sahəsində fəaliyyət yaradıcılıq və redaksiya müstəqilliyi əsasında həyata keçirilir.
Şura qeyd olunanlara əsasən bildirib ki, hər hansı bir proqramın fəaliyyətə başlaması və ya bağlanması, habelə hər hansı bir aparıcının və ya redaksiya əməkdaşının işə götürülməsi və ya işdən çıxarılması, dəvət olunan qonaqların, müzakirə olunan mövzuların müəyyən edilməsi sırf redaksiya siyasəti çərçivəsinə daxil olub Audiovizual Şuranın səlahiyyətlərinə aid deyil:
"Audiovizual Şura hər hansı bir kanala (redaksiyaya) qarşı sanksiya və ya inzibati tənbeh tədbiri tətbiq edərkən "Media haqqında" Qanuna və bu sahəni tənzimləyən digər qanunlara əsaslanaraq qərar qəbul edir. Buna görə də, müraciətlərdə bəzi vətəndaşlar tərəfindən istənilən kimi hər hansı proqramın bağlanmasını və ya aparıcının efirdən uzaqlaşdırılmasını Audiovizual Şura yerinə yetirə bilməz.
Bununla bərabər qeyd olunmalıdır ki, Audiovizual Şura mütəmadi olaraq yayımçıların rəhbərləri ilə, redaksiya üzrə məsul şəxsləri ilə müxtəlif formatlarda görüşlər keçirir. Görüşlərdə televiziya kanalları ilə bağlı ictimaiyyətin haqlı narazılığına səbəb olan məsələlərə dair Audiovizual Şuranın səlahiyyətləri çərçivəsində zəruri tövsiyələrin verilməsi təmin olunur.
Bir daha audiovizual yayımçılardan qanunvericiliyin tələblərinə ciddi əməl etmələri, peşə etikası qaydaları çərçivəsində fəaliyyət göstərilməsini təmin etmələri tələb olunur".

]]> admin Wed, 25 Feb 2026 07:19:42 -1100 İsti su ilə saç yumaq təhlükəlidir? - Dermatoloqdan xəbərdarlıq http://ictimaifikir.az/index.php?newsid=26236 http://ictimaifikir.az/index.php?newsid=26236 Dermatoloq Sintiya Gedes bildirib ki, saçları isti su ilə yumaq sağlamlıq problemlərinə səbəb ola bilər.

Ölkə.az xəbər verir ki, o, bu barədə "Terra" nəşrinə açıqlamasında danışıb.

Onun sözlərinə görə, isti su dərinin qoruyucu funksiyanı yerinə yetirən təbii piy qatını həddindən artıq təmizləyir. Nəticədə dəridə quruluq, qabıqlanma və qıcıqlanma kimi əlamətlər yarana bilər.

Mütəxəssis əlavə edib ki, saçları davamlı olaraq isti su ilə yumaq “əks təsir effekti” yarada bilər. Yəni dəri həddindən artıq təmizlənməyə cavab olaraq daha çox piy ifraz etməyə başlayır və saçlar daha tez yağlanır. Bundan başqa, hər gün isti su ilə yumaq kəpəyi də artıra bilər.

Bu səbəbdən həkim saçları yalnız ilıq və ya bir qədər sərin su ilə yumağı tövsiyə edib.

Həmidə İbrahimova

]]> admin Wed, 25 Feb 2026 07:18:14 -1100 Yerin nüvəsi "sızır": Minlərlə ton qızıl səthə atılır http://ictimaifikir.az/index.php?newsid=26235 http://ictimaifikir.az/index.php?newsid=26235 Ölkə.az xəbər verir ki, bu barədə "BBC Science Focus" Almaniyanın Gettingen Universitetinin professoru Matiyas Vilboldun elmi məqaləsinə istinadən məlumat yayıb.
Əgər qiymətləndirmələr təsdiqlənərsə, bu, tarixdə ən böyük qızıl yatağı və bəlkə də hər hansı digər qiymətli metalın ən böyük yatağı ola bilər. Ehtiyatların təxmini bazar dəyəri təxminən 83 milyard dollar təşkil edir.
Qızılı yalnız qiymətli metal kimi tanısalar da, alimlər bildirirlər ki, o yalnız səthdə nadirdir. "Yerin qiymətli metalları arasında 99,9%-i nüvədə yerləşir", deyə Vilbold izah edir.
Ənənəvi olaraq hesab olunurdu ki, Yer formalaşarkən 4,5 milyard il əvvəl ağır elementlər – o cümlədən qızıl, platina və volfram – dəmir və nikel ilə birlikdə nüvəyə enmişdir. Siderofillər, yəni dəmir ilə kimyəvi birləşə bilən elementlər, planetin erkən mərhələsində nüvəyə çəkilmişdi.
Lakin bəzi alimlər, o cümlədən Vilbold, yeni bir fikri müdafiə edirlər: Yer nüvəsi tədricən "sızır”, qiymətli metallar isə mantiyadan yuxarıya doğru hərəkət edir.
"Bəzi geofiziki sübutlar var ki, mantiyadakı isti qayadan yüksələn "plumlar" kifayət qədər dərin mantiya qatlarına çatır və ehtimal ki, nüvə-mantiya sərhədindən başlayır”, deyə o qeyd edir.
Belə mantiya plümləri vulkanik aktiv zonalarda, məsələn, Havay və ya İslandiyada, yer qabığına qədər yüksələ bilər. Bir versiyaya görə, bunlar metalları səthə yaxınlaşdırmağa qadirdir.
Lakin bütün geoloqlar "sızma” hipotezi ilə razı deyillər. Köln Universitetindən doktor Mario Fişer-Gyodde hesab edir ki, izah kosmik miqyaslı hadisələrdə ola bilər.
"Biz mantiyanı yüksək siderofillərlə zənginləşdirməliyik. Ən tanınmış izah isə meteoritlər vasitəsilə bu elementləri geri gətirməkdir", deyə o izah edir.
Bu, təxminən 3,9 milyard il əvvəl Yerə böyük asteroidlərin sayısız zərbələr endirdiyi gec intensiv bombardman dövrünü əhatə edir. Bu zərbələr nüvənin formalaşmasından sonra əlavə ağır elementləri gətirmiş ola bilər ki, metallar daha dərin qatlara enə bilməmiş və mantiyada qalıb.(qaynarinfo)

]]> admin Wed, 25 Feb 2026 07:16:58 -1100 Yazı 40 min il öncə icad edilmiş ola bilər - Yeni araşdırma http://ictimaifikir.az/index.php?newsid=26234 http://ictimaifikir.az/index.php?newsid=26234 Avropada yaşamış ilk müasir insanların təxminən 40 min il əvvəl sistemli simvollardan istifadə edərək məlumat ötürdüyü ehtimal edilir. 
Ölkə.az xəbər verir ki, yeni elmi araşdırma göstərir ki, Paleolit dövrünə aid bəzi işarələr sadəcə bəzək deyil, məlumatın təşkil və ötürülməsi vasitəsi olub.
Almaniyadakı Saarland Universitetinin dilçi alimi Kristian Bentz və Berlin Dövlət Muzeylərinin arxeoloqu Eva Dutkieviç tərəfindən aparılan araşdırmada Aurinyas mədəniyyətinə aid yüzlərlə əşya yenidən təhlil edilib. Nəticələr göstərib ki, bu işarələr tam yazı sistemi olmasa da, yazının yaranmasından on minlərlə il əvvəl insanların məlumatı yadda saxlamaq və paylaşmaq üçün simvollardan istifadə etdiyini sübut edir.
Təsadüfi deyil, sistemlidir
İndiyə qədər məlum olan ilk yazı sistemləri təxminən 5 min il əvvəl Mesopotamiyada yaranıb. Şumerlərin proto-mixi yazısı əvvəlcə say və iqtisadi məlumatları göstərən işarələrdən ibarət olub, zamanla tam yazı sisteminə çevrilib. Bu səbəbdən uzun müddət yazılı ünsiyyətin nisbətən yeni olduğu düşünülürdü.
Yeni araşdırma isə bu fikri şübhə altına alır. Almaniyanın cənubundakı mağara bölgələrində tapılan daşınan əşyalar üzərindəki nöqtələr, paralel xətlər, zikzaklar, V formalı işarələr və digər naxışlar tək-tək qeydə alınıb. Kompüter alqoritmləri ilə aparılan təhlil bu simvolların müəyyən ardıcıllıqla təkrarlandığını göstərib. Bu isə işarələrin təsadüfi deyil, ortaq mənaya malik sistemin hissəsi olduğunu göstərir.
Araşdırma müəlliflərinin fikrincə, bu simvollar danışıq dilini birbaşa əks etdirmirdi. Lakin insanlar düşüncələrini və məlumatlarını fiziki mühitdə saxlamağın yolunu artıq tapmışdı.
3 mindən çox işarə təhlil edilib
Araşdırma çərçivəsində ümumilikdə 260 daşınan əşya araşdırılıb. Bunlara mamut dişindən hazırlanmış fiqurlar, sümük alətlər, buynuz parçaları, şəxsi bəzək əşyaları və fleytaya bənzər alətlər daxil olub.
Bu əşyalar üzərindəki 3 mindən çox işarə qeydə alınıb və dilçilikdə istifadə olunan informasiya nəzəriyyəsi metodları ilə təhlil edilib. Tədqiqatçılar simvolların təkrar tezliyini, müxtəlifliyini və məlumat daşıma səviyyəsini ölçən "entropiya” analizindən istifadə ediblər. Nəticələr göstərib ki, simvollar təsadüfi deyil və müəyyən qaydaya uyğun istifadə olunub.
Fiqurlar üzərindəki işarələr alətlərə nisbətən təxminən 15 faiz daha yüksək informasiya sıxlığına malik olub. Alətlər isə digər əşyalarla müqayisədə daha sistemli simvol müxtəlifliyi göstərib. Bu, insanların hansı əşyada hansı simvoldan istifadə etməli olduqlarını bildiyini göstərir.
Sistem 10 min il davam edib
Araşdırmanın ən diqqətçəkən nəticələrindən biri simvol sisteminin uzun müddət sabit qalmasıdır. Təhlillər göstərir ki, bu simvolların strukturu və istifadə qaydası təxminən 10 min il ərzində dəyişmədən qorunub.
Proto-mixi yazının qısa müddətdə tam yazıya çevrilməsinə baxmayaraq, bu qədim simvol sistemi yazıya çevrilməyib. Alimlər bunun səbəbini dəqiq bilmir. Ehtimal edilir ki, mədəni dəyişikliklər, köçlər və ya simvolların mənasını qoruyan ictimai mühitin itməsi bu inkişafın qarşısını alıb.
Bu tapıntı göstərir ki, insan beyni məlumatı simvollar vasitəsilə təşkil etmək qabiliyyətini düşündüyümüzdən çox daha əvvəl inkişaf etdirib. Yazı birdən-birə yaranmayıb; o, minilliklər boyu davam edən simvolik düşüncənin tədricən mürəkkəbləşməsi nəticəsində formalaşıb. İnsanlıq əvvəlcə dünyanı rəsmlərlə izah etdi, sonra işarələrlə yadda saxladı, ən sonda isə yazı ilə tarix yaratdı.(qaynarinfo)

 ]]> admin Wed, 25 Feb 2026 07:16:00 -1100 Azərbaycanda yanvarda restoranlara 200 milyondan çox xərclənib http://ictimaifikir.az/index.php?newsid=26233 http://ictimaifikir.az/index.php?newsid=26233 2026-cı ilin yanvar ayında Azərbaycanda iaşə müəssisələrinin dövriyyəsi 219 milyon 224,8 min manat təşkil edib ki, bu da 2025-ci ilin yanvar ayı ilə müqayisədə real ifadədə 9,6% artım deməkdir.
Ölkə.Az-ın məlumatına görə, bu barədə Dövlət Statistika Komitəsi məlumat verib.
Dövlət sektorunda iaşə müəssisələrinin dövriyyəsi 2 milyon 516,9 min manat (artım 35,3%), özəl sektorda isə iaşə müəssisələrinin dövriyyəsi 216 milyon 707,9 min manat (artım 9,4%) təşkil edib.
Özəl sektorda iaşə dövriyyəsinin 50,3%-i hüquqi şəxslərin, 49,7%-i isə sahibkarlıq fəaliyyəti ilə məşğul olan fiziki şəxslərin payına düşüb.
Hüquqi şəxslərin dövriyyəsi 2025-ci ilin yanvar ayı ilə müqayisədə 9,6% artaraq 109 milyon 102,6 min manata, fiziki şəxslərin dövriyyəsi isə 9,2% artaraq 107 milyon 605,3 min manata çatıb.

]]> admin Wed, 25 Feb 2026 07:14:56 -1100 Növbəti iki gündə külək güclənəcək – Xəbərdarlıq http://ictimaifikir.az/index.php?newsid=26159 http://ictimaifikir.az/index.php?newsid=26159 Bakıda və Abşeron yarımadasında, eyni zamanda əksər bölgələrdə yanvarın 18-19-da güclü külək əsəcək.


Gündəm24.az xəbər verir ki, gözlənilən küləkli hava şəraiti ilə bağlı Milli Hidrometeorologiya Xidməti sarı və narıncı xəbərdarlıq verib.
Bildirilib ki, Gəncə, Naftalan, Samux, Goranboy, Daşkəsəndə narıncı xəbərdarlığa uyğun olaraq şimal-qərb küləyi əsəcək, küləyin sürəti 20.8-28.4 m/san-dək güclənəcək.
Bakıda və Abşeron yarımadasında, Balakən, Zaqatala, Qax, Şəki, Qazax, Ağstafa, Tovuz, Şəmkir, Xızı, Qusar, Şabran, Xaçmaz, Quba, Siyəzən, Qobustan, Şamaxı,Salyan, Neftçala, Sabirabad, Saatlı, Şirvan, Hacıqabul, Mingəçevir, Tərtər, Yevlax, Bərdə, Kəlbəcər, Laçın, Füzuli, Zəngilan, Gədəbəy, Göygöl, Lənkəran, Masallı, Astara, Biləsuvar, Lerik, Yardımlı, Cəlilabadda isə sarı xəbərdarlığa uyğun olaraq şimal-qərb küləyi əsəcək, küləyin sürəti 13.9-20.7 m/san təşkil edəcək.

]]> admin Sat, 17 Jan 2026 05:42:52 -1100 Fövqəladə Hallar Nazirliyi hava şəraiti ilə əlaqədar əhaliyə müraciət edib http://ictimaifikir.az/index.php?newsid=26157 http://ictimaifikir.az/index.php?newsid=26157 Nazirlikdən AZƏRTAC-a verilən məlumata görə, soyuq hava şəraiti qaz və elektrik qızdırıcı cihazlarından istifadənin xeyli artmasına səbəb olduğundan bu cihazlardan istifadə zamanı yanğın təhlükəsizliyi qaydalarına ciddi riayət edilməlidir.

“Nasaz, qeyri-standart və ya kustar üsulla hazırlanmış qızdırıcı cihazlardan istifadə edilməməli, elektrik şəbəkəsi həddindən artıq yüklənməməli, işlək vəziyyətdə olan qızdırıcı cihazlar nəzarətsiz qoyulmamalıdır. Eyni zamanda, xüsusilə dağlıq ərazilərdə vətəndaşlar şaxtalı və qarlı havada mümkün qədər yaşayış məntəqəsini tərk etməməli, belə bir zərurət yarandıqda hərəkət istiqaməti barədə yaxınlarını əvvəlcədən məlumatlandırmalı, avtomobilin texniki göstəricilərinin fəslə uyğunluğunu və kifayət qədər yanacaq ehtiyatını təmin etməlidirlər. Qar uçqunu ehtimalı olan yerlərdən, o cümlədən dik yamaclardan kənar gəzmək və günün qaranlıq vaxtına qalmadan yaşayış məntəqəsinə geri dönmək tövsiyə olunur.

Bundan başqa, güclü külək zamanı yüngül konstruksiyalı və müvəqqəti tikililərdən, bina və reklam lövhələrindən uzaq durmaq, elektrik dirəyi və naqillərinin, hündür ağacların altında dayanmamaq tövsiyə olunur. Həmçinin güclü küləyin baş verən yanğınların söndürülməsi ilə əlaqədar yaratdığı çətinlikləri nəzərə alaraq, küləkli hava şəraitində yanğın təhlükəsizliyi qaydalarına xüsusilə ciddi riayət edilməlidir”, - deyə qurumun məlumatında bildirilir.

]]> admin Sat, 17 Jan 2026 05:36:02 -1100 Bakıda sulu qar, dağlıq və dağətəyi rayonlarda qar yağacaq - PROQNOZ http://ictimaifikir.az/index.php?newsid=26156 http://ictimaifikir.az/index.php?newsid=26156 Milli Hidrometeorologiya Xidmətindən AZƏRTAC-a verilən məlumata görə, sabah Bakıda və Abşeron yarımadasında hava şəraitinin arabir yağıntılı olacağı gözlənilir. Bəzi yerlərdə intensivləşəcəyi, bəzi şəhərətrafı ərazilərdə yağışın sulu qarla qarışıq yağacağı ehtimalı var. Axşama doğru tədricən kəsiləcək. Mülayim şimal-qərb küləyi arabir güclənəcək. Havanın temperaturu gecə 0-3, gündüz 3-6 dərəcə isti olacaq. Atmosfer təzyiqi normadan yüksək 770 mm civə sütunu, nisbi rütubət 75-85 faiz təşkil edəcək.

Azərbaycanın rayonlarında havanın bəzi yerlərdə arabir yağıntılı olacağı, sulu qar, dağlıq və dağətəyi rayonlarda qar yağacağı gözlənilir. Ayrı-ayrı yerlərdə intensiv olacağı ehtimalı var. Bəzi yerlərdə arabir duman olacaq, qərb küləyi bəzi yerlərdə arabir güclənəcək. Havanın temperaturu gecə 4° şaxtadan 1°-dək isti, gündüz 1-5° isti, dağlarda gecə 5-10° şaxta, yüksək dağlıq ərazilərdə 13-18° şaxta, gündüz 0-5° şaxta olacaq. Əsasən dağlıq və dağətəyi rayonlarda yollar buz bağlayacaq.

Naxçıvan şəhəri, Culfa, Ordubad, Sədərək, Şahbuz və Şərurda havanın bəzi yerlərdə arabir yağıntılı olacağı, qar yağacağı gözlənilir. Ayrı-ayrı yerlərdə intensiv olacağı ehtimalı var. Arabir duman olacaq, mülayim qərb küləyi əsəcək. Havanın temperaturu gecə 8-13° şaxta, gündüz 0-4° şaxta olacaq.

Xankəndi, Şuşa, Xocalı, Xocavənd, Füzuli, Ağdam, həmçinin Daşkəsən-Gədəbəy, Göygöldə havanın bəzi yerlərdə arabir yağıntılı olacağı, qar yağacağı gözlənilir. Ayrı-ayrı yerlərdə intensiv olacağı ehtimalı var. Arabir duman olacaq, qərb küləyi bəzi yerlərdə arabir güclənəcək.

Havanın temperaturu gecə 5-10° şaxta, gündüz 0-5° şaxta olacaq.

Şərqi Zəngəzur: Cəbrayıl, Kəlbəcər, Qubadlı, Laçın, Zəngilanda havanın bəzi yerlərdə arabir yağıntılı olacağı, qar yağacağı gözlənilir. Ayrı-ayrı yerlərdə intensiv olacağı ehtimalı var. Arabir duman olacaq, qərb küləyi bəzi yerlərdə arabir güclənəcək. Havanın temperaturu gecə 2-6° şaxta, dağlıq ərazilərdə 10-14° şaxta, gündüz 2° şaxtadan 2°-dək isti olacaq.

Qazax, Gəncə, Samux, Goranboy, Tərtər, Şəmkir, Tovuz, Naftalanda havanın bəzi yerlərdə arabir yağıntılı olacağı, qar yağacağı gözlənilir. Ayrı-ayrı yerlərdə intensiv olacağı ehtimalı var. Arabir duman olacaq, qərb küləyi bəzi yerlərdə arabir güclənəcək. Havanın temperaturu gecə 2-6° şaxta, gündüz 2° şaxtadan 2°-dək isti olacaq.

Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusarda havanın bəzi yerlərdə arabir yağıntılı olacağı, qar yağacağı gözlənilir. Ayrı-ayrı yerlərdə intensiv olacağı ehtimalı var. Arabir duman olacaq, qərb küləyi bəzi yerlərdə arabir güclənəcək. Havanın temperaturu gecə 3-8° şaxta, gündüz 0-3° şaxta, dağlarda gecə 8-13°, yüksək dağlıq ərazilərdə 13-18° şaxta, gündüz 3-8° şaxta olacaq.

Yevlax, Ağdaş, Kürdəmir, İmişli, Ağcabədi, Bərdə, Beyləqan, Sabirabad, Mingəçevir, Biləsuvar, Saatlı, Göyçay, Ucar, Şirvan, Hacıqabul, Zərdab, Salyan, Neftçalada havanın bəzi yerlərdə arabir yağıntılı olacağı gözlənilir. Ayrı-ayrı yerlərdə intensiv olacağı, sulu qara, qara keçəcəyi ehtimalı var. Arabir duman olacaq, qərb küləyi bəzi yerlərdə arabir güclənəcək. Havanın temperaturu gecə 4° şaxtadan 1°-dək isti, gündüz 1-5° isti olacaq.

Masallı, Yardımlı, Lerik, Lənkəran, Astara, Biləsuvar, Cəlilabadda havanın bəzi yerlərdə arabir yağıntılı olacağı gözlənilir. Ayrı-ayrı yerlərdə yağıntının intensiv olacağı, sulu qara, qara keçəcəyi ehtimalı var. Arabir duman olacaq, şimal-şərq küləyi bəzi yerlərdə arabir güclənəcək. Havanın temperaturu gecə 2° şaxtadan 2°-dək isti, gündüz 2-5° isti, dağlarda gecə 3-5° şaxta, gündüz 0-3° şaxta olacaq.

]]> admin Sat, 17 Jan 2026 05:34:35 -1100 Arktik şaxtalarda donmuş Kiyev – FOTOREPORTAJ http://ictimaifikir.az/index.php?newsid=26138 http://ictimaifikir.az/index.php?newsid=26138 AZƏRTAC-ın xüsusi müxbirinin verdiyi məlumata görə, Kiyevdə -13, -18 dərəcə şaxta hökm sürür və bu cür arktik şaxtalar hələ də davam edəcək.
Enerji infrastrukturunda hava zərbələri nəticəsində yaranan ciddi problemlərə baxmayaraq “donmuş” Kiyevin qış mənzərəsi heyranedicidir.
AZƏRTAC oxucularına Kiyevdən foto və videoreportajı təqdim edir.
Emil Hüseynli
AZƏRTAC-ın xüsusi müxbiri
Kiyev

]]> admin Sat, 17 Jan 2026 05:09:57 -1100 Fövqəladə Hallar Nazirliyi hava şəraiti ilə əlaqədar əhaliyə müraciət edib http://ictimaifikir.az/index.php?newsid=26137 http://ictimaifikir.az/index.php?newsid=26137 Nazirlikdən AZƏRTAC-a verilən məlumata görə, soyuq hava şəraiti qaz və elektrik qızdırıcı cihazlarından istifadənin xeyli artmasına səbəb olduğundan bu cihazlardan istifadə zamanı yanğın təhlükəsizliyi qaydalarına ciddi riayət edilməlidir.
“Nasaz, qeyri-standart və ya kustar üsulla hazırlanmış qızdırıcı cihazlardan istifadə edilməməli, elektrik şəbəkəsi həddindən artıq yüklənməməli, işlək vəziyyətdə olan qızdırıcı cihazlar nəzarətsiz qoyulmamalıdır. Eyni zamanda, xüsusilə dağlıq ərazilərdə vətəndaşlar şaxtalı və qarlı havada mümkün qədər yaşayış məntəqəsini tərk etməməli, belə bir zərurət yarandıqda hərəkət istiqaməti barədə yaxınlarını əvvəlcədən məlumatlandırmalı, avtomobilin texniki göstəricilərinin fəslə uyğunluğunu və kifayət qədər yanacaq ehtiyatını təmin etməlidirlər. Qar uçqunu ehtimalı olan yerlərdən, o cümlədən dik yamaclardan kənar gəzmək və günün qaranlıq vaxtına qalmadan yaşayış məntəqəsinə geri dönmək tövsiyə olunur.
Bundan başqa, güclü külək zamanı yüngül konstruksiyalı və müvəqqəti tikililərdən, bina və reklam lövhələrindən uzaq durmaq, elektrik dirəyi və naqillərinin, hündür ağacların altında dayanmamaq tövsiyə olunur. Həmçinin güclü küləyin baş verən yanğınların söndürülməsi ilə əlaqədar yaratdığı çətinlikləri nəzərə alaraq, küləkli hava şəraitində yanğın təhlükəsizliyi qaydalarına xüsusilə ciddi riayət edilməlidir”, - deyə qurumun məlumatında bildirilir.

]]> admin Sat, 17 Jan 2026 05:08:43 -1100