http://ictimaifikir.az/ ru Cəmiyyət - ictimaifikir.az ANALİTİK İNFORMASİYA AGENTLİYİ DataLife Engine http://ictimaifikir.az/index.php?newsid=26204 http://ictimaifikir.az/index.php?newsid=26204 Bunu AZƏRTAC-a açıqlamasında Azərbaycan Dillər Universitetinin 3-cü kurs tələbəsi, “Böyük Qayıdış” Gənclər Təşkilatının könüllüsü Mətənət Şükürova deyib.
İkinci Qarabağ müharibəsinin canlı şahidi olduğunu deyən M. Şükürova qeyd edib: “Həmin dövrdə Bərdə ərazisində yaşayırdıq. Raket hücumları zamanı baş verən hadisələrin birbaşa şahidi olmuşam. Bomba səslərini eşidən zaman heç nə düşünə bilmirdik, özümüzə sığınacaq axtarırdıq. Doğrudan da, xalqımız çox qonaqpərvər və vətənpərvərdir. Həmin hadisələr zamanı bir müddət başqa insanın evində sığınacaq tapmışdıq. O zaman valideynlərimin illərlə danışdığı ağrını daha dərindən anladım. Çox ağır hisslər idi. İnşallah, Azərbaycan xalqı bir daha belə faciələrlə üzləşməz”.

O, həmçinin qeyd edib ki, istər Xocalı haqqında çəkilən filmlər, istərsə də faciənin canlı şahidlərinin xatirələri insanı dərindən sarsıdır: “Düşünmək belə çətindir ki, bir xalqın başına belə müsibətlər gətirilə bilər. Günahsız insanların, o cümlədən qadınların, uşaqların bu qədər vəhşiliyə məruz qalması ağlasığmazdır”.

]]> admin Wed, 25 Feb 2026 06:20:14 -1100 http://ictimaifikir.az/index.php?newsid=26203 http://ictimaifikir.az/index.php?newsid=26203 Agentliyin İctimaiyyətlə əlaqələr və kommunikasiya şöbəsindən AZƏRTAC-a verilən məlumata görə, tədbirdə agentliyin İnsan Alveri Qurbanlarına Yardım Mərkəzinin əməkdaşları, qeyri-hökumət təşkilatlarının nümayəndələri, həmçinin məktəbin müəllimləri və 8-11-ci sinif şagirdləri iştirak ediblər.
Görüş zamanı “Təhsildə sosial iş” xidmətinin mahiyyətindən danışılıb, məktəblərdə risk qruplarının müəyyənləşdirilməsi, şagirdlərin davamiyyətinin bərpası və onlara psixo-sosial dəstək göstərilməsinin uşaqların həyatında mühüm rol oynadığı vurğulanıb.
Şagirdlərə insan alveri haqqında ətraflı məlumat verilib, risk faktorları izah edilib. Təhlükəli halları tanımaq bacarığının, eləcə də sosial məsuliyyət hissinin və özünümüdafiə bacarıqlarının formalaşdırılmasının önəmindən bəhs edilib.
Mövzu ilə əlaqədar videoçarx nümayiş etdirilib.

]]> admin Wed, 25 Feb 2026 06:19:24 -1100 http://ictimaifikir.az/index.php?newsid=26202 http://ictimaifikir.az/index.php?newsid=26202 Nazirliyin mətbuat xidmətindən AZƏRTAC-a verilən məlumata görə, kursların keçirilməsində məqsəd tədbir iştirakçılarının fövqəladə hallardan mühafizə və mülki müdafiə sahəsində bilik və bacarıqlarının artırılması olub.
Kurslarda FHN-in Aparatının, regional mərkəzlərin və digər aidiyyəti yerli qurumlarının, Dini Qurumlarla İş üzrə Dövlət Komitəsinin regional bölmələrinin əməkdaşları və din xadimləri iştirak ediblər.
Kurslarda çıxış edənlər keçirilən tədbirlərin məqsədi və qarşıdakı planlar barədə ətraflı məlumat verib, belə tədbirlərin davamlı keçirilməsinin əhəmiyyətindən danışıblar.
Tədbirlərin nəzəri hissəsində əməkdaşlar tərəfindən fövqəladə halların təsnifatı, ilkin tibbi yardımın göstərilməsi, mülki müdafiə və xilasetmə işinin təşkili, ölkəmiz üçün xarakterik olan fövqəladə hallar, o cümlədən yanğınların başvermə səbəbləri və bu zaman zəruri davranış qaydaları barədə ətraflı məlumat verilib, FHN-in “112” qaynar telefon xəttinin təyinatı izah olunub. Eləcə də mövzulara dair videoçarxlar nümayiş olunub. Həmçinin FHN-in Tibb Mərkəzinin ixtisaslaşmış psixoloqları müvafiq mövzularda çıxışlar ediblər.
Kursların praktiki hissəsində tədbir iştirakçılarına xilasetmə alət və avadanlıqları barədə məlumat verilib.

]]> admin Wed, 25 Feb 2026 06:18:11 -1100 http://ictimaifikir.az/index.php?newsid=26201 http://ictimaifikir.az/index.php?newsid=26201 Bakının Xətai rayonunun Xocalı prospektində “Ana harayı” abidəsinin yerləşdiyi parkda Xocalı soyqırımının növbəti ildönümü ilə bağlı aparılan hazırlıq işləri yekunlaşıb.

]]> admin Wed, 25 Feb 2026 06:17:02 -1100 http://ictimaifikir.az/index.php?newsid=26143 http://ictimaifikir.az/index.php?newsid=26143 AZƏRTAC xəbər verir ki, məqalədə Azərbaycanın 1990-cı ilin yanvar ayında Sovet hərbi müdaxiləsi zamanı həlak olan mülki şəxslərin xatirəsinə "Qara Yanvar" kimi tanınan hadisələrin 36-cı ildönümünün keçirildiyi qeyd edilir.
Bildirilir ki, 1990-cı il yanvarın 19-dan 20-nə keçən gecə SSRİ rəhbərliyinin əmri ilə Sovet qoşunları Bakı və Sumqayıt, eləcə də Azərbaycanın digər şəhərlərinə hərbi müdaxiləsi nəticəsində 147 mülki şəxsin həlak olduğu, 700-dən artıq nəfərin isə ağır yaralandığı vurğulanır.
“1990-cı il faciəsinə səbəb olan hadisələr 1980-ci illərin sonuna təsadüf edir. O zaman Azərbaycan da daxil olmaqla, bir sıra Sovet respublikalarında millətçi hərəkatlar geniş vüsət alırdı. Eyni zamanda, Qarabağ ətrafında mübahisələr kəskinləşmiş və bu da yerli əhalinin köçürülməsinə və millətlərarası zorakılığa səbəb olmuşdu. Bakıda və digər şəhərlərdə etirazlar artdıqca, Sovet hakimiyyəti fövqəladə vəziyyət elan etmiş və asayişi bərpa etmək üçün qoşun yeritmişdi. Hərbi müdaxilə mülki əhaliyə lazımi xəbərdarlıq edilmədən həyata keçirilmiş və həddindən artıq güc tətbiq olunmaqla nəticələnmişdi. O dövrdəki Sovet rəhbərliyi bu artan gərginliyin qarşısını almaq əvəzinə, Azərbaycana qoşun yeritmiş, yaranmış vəziyyəti sabitləşdirmək və iğtişaşların qarşısını almaq üçün hərbi təcavüzün zəruri olduğundan çıxış edirdi. Beləliklə, 1990-cı ilin yanvar hadisələri Sovet İttifaqının son illərində dərinləşən siyasi və etnik gərginlik fonunda baş verib.
"Qara Yanvar" hadisələri geniş şəkildə təkcə müstəqilliyin əldə edilməsində ictimai dəstəyi və milli hərəkatı boğmaq deyil, bu ideyanı gücləndirən bir dönüş nöqtəsi kimi də qəbul edilir. Belə ki, iki ildən az müddət keçdikdə, 1991-ci ildə Azərbaycan Sovet İttifaqının dağılmasından sonra müstəqilliyini elan etmişdi. 1990-cı ilin yanvar hadisələri Azərbaycanın suverenlik və dövlətçilik ideyalarına ictimai münasibətin formalaşmasında mühüm rol oynayıb”, - deyə məqalədə bildirilir.
20 Yanvar faciəsinin siyasi-hüquqi tanınması 29 mart 1994-cü ildə Milli Məclisin müvafiq qərarı ilə qəbul edildiyi bildirilən yazıda dinc yolla yeni demokratik və suveren dövlət tələb edən xalqın inamını və iradəsini qırmaq məqsədi ilə edildiyi qeyd olunur.
“Buna baxmayaraq, dinc sakinlərin qətli ilə nəticələnən “Qanlı Yanvar” faciəsinin illər ərzində beynəlxalq insan hüquqları çərçivəsində daha geniş beynəlxalq tanınmasına dair çağırışlar diqqət mərkəzində qalmaqdadır. 1990-cı ilin yanvar hadisələri nə qədər faciəli olsa da, xalqın milli azadlıq uğrunda mübarizə əzmini daha da gücləndirib və ölkənin tarixinə parlaq bir səhifə yazaraq müstəqilliyə yol açıb. 20 Yanvardan 36 il keçməsinə baxmayaraq, 1990-cı il hadisələri Sovet İttifaqının süqutunun tarixində iz buraxaraq insan hüquqlarına dair beynəlxalq hüquqi sənədlərin kobud şəkildə pozulması idi.
20 Yanvar şəhidlərinin xatirəsini əbədiləşdirmək məqsədilə artıq anım və düşüncə mərkəzinə çevrilmiş paytaxt Bakının ən yüksək nöqtəsindən birində yerləşən Şəhidlər xiyabanında azadlıq uğrunda mübarizədə həlak olanların xatirəsinə həsr olunmuş Abidə Kompleksi ucaldılıb. Hazırda Azərbaycan Cənubi Qafqazda əsas siyasi və iqtisadi oyunçu kimi çıxış edir və Azərbaycan dövləti ölkənin müstəqilliyinin, suverenliyinin və ərazi bütövlüyünün qorunmasını təmin etməklə dövlətçiliyin əsasını təşkil edən bu ali prinsiplərin təşviqi istiqamətində zəruri addımlar atır”, - deyə məqalədə vurğulanıb.

]]> admin Sat, 17 Jan 2026 05:15:06 -1100 http://ictimaifikir.az/index.php?newsid=26141 http://ictimaifikir.az/index.php?newsid=26141 Bunu AZƏRTAC-a açıqlamasında Azərbaycan Tibb Universitetinin dosenti, tibb üzrə fəlsəfə doktoru, həkim-pediatr Nigar Bayramova deyib.
Həkim-pediatrın sözlərinə görə, infeksiyaların əlamətləri virusun növündən və uşağın yaşından asılı olaraq dəyişə bilər. Ən çox rast gəlinən simptomlar qızdırma, burun axması və öskürək, boğaz ağrısı, halsızlıq, iştahsızlıq, bəzi hallarda qusma, ishal və dəri səpkiləridir. Kiçikyaşlı uşaqlarda virus infeksiyaları daha ağır keçə və susuzlaşma riski yarada bilər.
Qeyd olunub ki, aşağıdakı əlamətlər olduqda mütləq pediatra müraciət edilməlidir:
• Qızdırmanın 38,5°C-dən yüksək olması və 2–3 gündən çox davam etməsi,
• Tənəffüsün çətinləşməsi, sürətli və ya çətin nəfəsalma,
• Qusma və ishal fonunda maye qəbulunun azalması,
• Uşağın letargik olması, ətrafla marağının azalması,
• Dəri səpkilərinin qızdırma ilə birlikdə sürətlə yayılması,
• Belə hallar ağırlaşma riskindən xəbər verə bilər.
Mütəxəssisin sözlərinə görə, virus infeksiyalarına yoluxmanın qarşısının alınması üçün profilaktika xüsusilə önəmlidir. Valideynlərə tövsiyə olunur ki, uşaqlara əl yuma vərdişi aşılansın, qapalı və sıx məkanlarda təmas məhdudlaşdırılsın, xəstə uşaqlar məktəbə və bağçaya göndərilməsin, uşaqlar yaşına uyğun, balanslı qidalansın, yuxu rejimi qorunsun, peyvənd təqviminə ciddi əməl edilsin.
N.Bayramova valideynlərə tövsiyə verərək deyib: “Virus infeksiyalarında antibiotiklərin təsiri yoxdur. Antibiotiklərin səbəbsiz istifadəsi bağırsaq mikrobiotasını pozur, antibiotik müqavimətinə yol açır, uşağın immun sisteminə mənfi təsir göstərir. Antibiotik yalnız həkim göstərişi ilə, bakterial infeksiya sübut olunduqda istifadə edilməlidir. Virus infeksiyaları uşaqlıq dövründə qaçılmazdır, lakin erkən tanıma, düzgün qulluq və panikaya düşmədən həkimə müraciət ağırlaşmaların qarşısını alır. Ən önəmlisi, valideynlər sosial mediada yayılan qeyri-dəqiq məlumatlara deyil, peşəkar tibbi məsləhətlərə güvənməlidirlər”.

]]> admin Sat, 17 Jan 2026 05:12:47 -1100 http://ictimaifikir.az/index.php?newsid=26140 http://ictimaifikir.az/index.php?newsid=26140 AZƏRTAC xəbər verir ki, tədbirdə Nəsimi Rayon İcra Hakimiyyətinin birinci müavini Zahid Xəlilov, Yeni Azərbaycan Partiyası Nəsimi rayon təşkilatının sədri Azər Süleymanov, 20 Yanvar hadisələrinin iştirakçıları, ictimai birlik üzvləri və şəhid ailələri iştirak ediblər.
Tədbirdə bildirib ki, 20 Yanvar Azərbaycan xalqının müstəqillik uğrunda apardığı mübarizənin şanlı və qanlı səhifəsidir. Bu faciənin milli yaddaşda xüsusi yer tutduğunu, şəhidlərin qəhrəmanlığının dövlətçilik tariximizin mənəvi dayaqlarından birinə çevrildiyi vurğulanıb.
Bundan başqa, 20 Yanvar faciəsinin xalqın iradəsini sındıra bilmədiyi, əksinə azadlıq və suverenlik yolunda birliyi daha da möhkəmləndirdiyi qeyd edilib. Bildirilib ki, 20 Yanvar şəhidlərinin xatirəsi daim uca tutulur, onların ailələrinə diqqət və qayğı dövlət və cəmiyyət üçün mənəvi borc hesab olunur. Bu kimi anım tədbirlərinin tarixi həqiqətlərin yaşadılması və gələcək nəsillərə ötürülməsi baxımından mühüm rolu vurğulanıb.
Bununla yanaşı, 20 Yanvar hadisələrinin Azərbaycanın müstəqil dövlət kimi formalaşmasında dönüş nöqtəsi olduğu bildirilərək həmin dövrdə xalqın göstərdiyi həmrəyliyin bu gün də milli birliyin əsas göstəricilərindən biri kimi dəyərləndirildiyi qeyd edilib.
Sonra 20 Yanvar hadisələrinin tarixi-siyasi aspektləri elmi prizmadan şərh edilib, bu faciənin beynəlxalq hüquq müstəvisində qiymətləndirilməsinin vacibliyini vurğulanıb.
Tədbirin sonunda "Modern İnkişaf və Ailə” İctimai Birliyi tərəfindən 20 Yanvar şəhidlərinin ailələrinə maddi yardımlar təqdim olunub.

]]> admin Sat, 17 Jan 2026 05:11:53 -1100 http://ictimaifikir.az/index.php?newsid=26139 http://ictimaifikir.az/index.php?newsid=26139 Bu fikri AZƏRTAC-a açıqlamasında İğdırda “Azərbaycan Evi” cəmiyyətinin rəhbəri, Türkiyə-Azərbaycan Dostluq Cəmiyyətləri Federasiyasının (TADDEF) sədr müavini Serdar Ünsal söyləyib.
Serdar Ünsal vurğulayıb ki, Azərbaycan xalqı müstəqilliyin əldə olunmasında iradə nümayiş etdirib.
“Bu iradəni Sovet rəhbərliyinin zorakılıq və repressiya maşını sındıra bilməyib. “Qara Yanvar”ın ildönümü təkcə matəm günü deyil, həm də Azərbaycanın qəhrəmanlıq dastanının hər yerdə xatırlandığı gündür”, – deyə TADDEF rəhbəri 36 il əvvəl Bakıda və respublikanın digər bölgələrində Sovet hərbçiləri tərəfindən qətlə yetirilmiş dinc sakinlərin xatirəsini anaraq bildirib.
Onun sözlərinə görə, faciəyə görə məsuliyyət daşıyanlar rəsmi üzr istəməli, cəzalandırılmalı və şəhidlərin doğmalarına kompensasiya ödəməlidirlər: “Azərbaycanda törədilmiş cinayətlər cəlladların və onların tərəfdarlarının vicdanına qara ləkə kimi düşüb. Əminəm ki, 20 Yanvar şəhidlərinin xatirəsi unudulmayacaq”.

]]> admin Sat, 17 Jan 2026 05:10:54 -1100 http://ictimaifikir.az/index.php?newsid=26081 http://ictimaifikir.az/index.php?newsid=26081 Bu barədə AZƏRTAC-a Narkomanlığa və Narkotik Vasitələrin Qanunsuz Dövriyyəsinə qarşı Mübarizə üzrə Dövlət Komissiyasının daimi fəaliyyət göstərən İşçi Qrupundan məlumat verilib.
Tədbirdə Binəqədi Rayon İcra Hakimiyyəti başçısının müavini, Narkomanlığa və Narkotik Vasitələrin Qanunsuz Dövriyyəsinə qarşı Mübarizə üzrə Dövlət Komissiyasının daimi fəaliyyət göstərən İşçi Qrupunun, Ailə, Qadın və Uşaq Problemləri üzrə Dövlət Komitəsinin Uşaq məsələləri şöbəsinin nümayəndələri, Rayon Polis İdarəsinin 6-cı polis bölməsinin rəis müavini, polis polkovnik-leytenantı, Biləcəri bələdiyyəsinin sədri, “Təmiz Dünya” Qadınlara Yardım İctimai Birliyinin sədri, Bakı Narkoloji Mərkəzinin əməkdaşı, məktəbin direktoru, habelə rayon üzrə ümumi təhsil müəssisələrinin müəllimləri, psixoloqları, valideynlər şurasının üzvləri və şagirdlər iştirak ediblər.
Çıxışlar zamanı narkotik maddələrin xüsusiyyətləri, onların insan sağlamlığına göstərdiyi zərərli təsirlər, narkotik asılılığının formalaşma mərhələləri, psixoaktiv maddələrin yaratdığı risk amilləri, eləcə də narkomaniya ilə mübarizə üsulları barədə geniş məlumat verilib. Narkotik vasitələrin qanunsuz dövriyyəsi və istifadəsinin cəmiyyət üçün doğurduğu tibbi və sosial təhlükələr diqqətə çatdırılıb. Həmçinin gənclərin asudə vaxtlarının səmərəli təşkili, sağlam həyat tərzinin formalaşdırılması və zərərli vərdişlərdən uzaq olmanın vacibliyi ilə bağlı tövsiyələr səsləndirilib.
Tədbirdə 6 nömrəli Uşaq-Gənclər İnkişaf Mərkəzinin dərnək üzvlərinin ifasında kiçik səhnəcik nümayiş olunub.
Sonda Dövlət Komissiyasının İşçi Qrupu tərəfindən hazırlanmış “Narkotik vasitələrdən və psixotrop maddələrdən sui-istifadə edən şəxslərin müəyyənləşdirilməsinə kömək üçün metodik tövsiyələr” adlı kitabça, “Narkotiklər haqqında həqiqəti bilin”, “Marixuana haqqında həqiqət” və “Psixotrop maddələr haqqında həqiqət” adlı yeni maarifləndirici materiallar iştirakçılara təqdim olunub.

]]> admin Wed, 10 Dec 2025 21:23:51 -1100 http://ictimaifikir.az/index.php?newsid=26080 http://ictimaifikir.az/index.php?newsid=26080 AZƏRTAC xəbər verir ki, bunu Xəzər Tibb Mərkəzinin direktoru Mübariz Ağayev mərkəzə təşkil olunan mediatur zamanı deyib.
O bildirib ki, cari ilin yanvar-noyabr aylarında xəstəxanaya 230 min 724 nəfər müraciət edib. Həmin pasiyentlərə 780 min 134 xidmət göstərilib. “Xəzər Tibb Mərkəzində 485 nəfər çalışır, onlardan 91-i həkimdir. Ümumilikdə mərkəzin 140 çarpayı fondu var. Ən mühüm yeniliklərdən biri odur ki, mərkəzdə son iki ayda bronskopiya xidməti qurulub. Yaxın vaxtlarda çarpayı fondunun sayının artırılması da nəzərdə tutulur", - deyə M. Ağayev diqqətə çatdırıb.

]]> admin Wed, 10 Dec 2025 21:22:24 -1100